疫情期間公司一直work from home，留喺屋企日做夜做其實都真係幾消磨意志，不過好彩可以忙裏偷閒，上網「搵食」，竟然俾我見到大家樂下午茶西多士好多款式！我嘅多士魂又要出動喇！
其實我都幾常幫襯大家樂下午茶，一嚟價錢大眾化，一般30蚊內就有交易，登記做會員，download埋個app仲可以儲分，儲夠分就可以換免費小食或者飲品，抵呀！難得weekend終於可以放低工作，就當然要去朝聖吓，試試大家樂下午茶近期新推出嘅新產品啦！
大家樂下午茶 – 西多士
今次去大家樂食下午茶嘅目標明確，就係經典多士！大家樂嘅下午茶勝在有好多種配搭，西多士可以獨立叫，又或者配粟米、湯粉麵、雞翼或者薯角，再加飲品！不過薯角似乎太邪惡喇，所以我都係叫返雞翼好喇！
今次嚟到撞正大家樂今期推廣阿華田西多士！因為呢款西多士之前好受食客歡迎，所以大家樂又再推多一次，咁難得嘅機會又點可以唔預我！
西多士即叫即整，加上呢日大家樂下午茶時段唔算太多人，所以等咗一陣就有得食喇！登凳！新鮮出爐嘅西多士，賣相都唔錯，炸得啱啱好，金黃色望落好鬆化，唔會炸得太黑太乾，或者索滿晒油咁。size都係正常西多士嘅大細，作為下午茶份量就啱晒喇！
切開就見到阿華田醬流哂出嚟，食落都唔算好甜，蛋漿嘅香味仲好濃，比起一般西多士，我就特別鍾意呢款口味，因為好有新鮮感，同埋好少地方可以食到！
話時話，真係要讚一讚大家樂嘅廚師有創意得嚟又貼地，唔同嘅口味諗到嘅都比佢整到出嚟，好似之前都有推出其他新口味，例如流沙奶皇、抹茶、阿華田、紅豆、流心黑芝麻或者紫薯等等，我都好佩服大家樂嘅創意，將唔同最hit嘅口味加入經典茶餐入面，但又出奇地夾wor！
講返舊西多士先！大家樂廚師果然係工多藝熟，經驗老到，西多士麵包中心無炸過火，所以仍然保持鬆軟，但係個邊就炸到脆脆哋，香氣十足，西多士真係大家樂下午茶王者呀！
我由細食大家樂下午茶食到大，食咗咁多年都唔厭，全因為佢真係香港人嘅集體回憶嚟，記得之前外國朋友嚟香港，我都會介紹佢試試大家樂下午茶餐，見識吓咩叫平靚正！
大家樂下午茶邪惡之選 - 炸脾
其實除咗西多士，大家樂另一皇牌就係炸脾！有時心癮起都會想放縱一下，拎住隻炸脾大大啖咬㗎！我最鍾意佢嘅炸脾唔太油膩，而且唔會有一陣雪味，高溫炸法將雞油逼晒出嚟，但又可以鎖住肉汁，唔會乾爭爭，配埋一杯汽水，簡直係絕配，真係大滿足呀！
慳妹攻略：做Club 100 會員 儲分當錢洗
鍾意飲飲食食嘅朋友要留意喇，記得download大家樂Club100會員app，因為佢免費登記之餘，一申請就送$20電子現金券，每次幫襯都可以儲「樂賞分」，啲積分可以用嚟換唔同嘅食品，而且佢仲有個幾得意嘅玩法，就係按消費次數可以有獎賞-「樂賞錢」，可以當錢下次幫襯時用返，拉埋親戚朋友一齊儲就最快手喇！
#飲食 #美食 #下午茶 #大家樂下午茶 #大家樂Club 100會員APP #大家樂會員APP
